主页 > J地生活 >母亲节要快乐啊~带住阿妈去旅行 13个激心中伏位 杜游珍 >

母亲节要快乐啊~带住阿妈去旅行 13个激心中伏位 杜游珍

2020-07-18


虽然就快母亲节,但不得不承认难免有人因为「带住阿妈去旅行」嘈交收场。带得老窦老母同行,就预咗要有无比耐性,边有咁绝望?! 如果想轻鬆,阿珍向来都係建议朋友「跟团一了百了」!遇到导游、团友失手或出丑,仲可以一家人齐心食花生多个话题!不过呢,如果你真係咁有勇气,谂住「唔跟团、自由行」,阿珍除了向你致敬,仲会呼吁大家留意下列 13 个「中伏位」,提早做好心理预期,母亲节就大家都快乐。

01. 酒店住宿 ──── 名牌要紧、小众累事

阿妈真係好唔识欣赏嗰啲好rustic 呀、industrial 呀、artistic 嘅设计,仲会嫌唔够光猛、啲画邪邪哋,所以请你尽量拣佢懂得嗌酒店名的地方,例如四季、半岛,平啲可以拣Four Points by Sheraton( 因为有「喜来登」三个字), 以曼谷为例, 半岛经常做4K 楼下的四天套票,好抵,好啱带阿妈去!

母亲节要快乐啊~带住阿妈去旅行 13个激心中伏位 杜游珍
就算唔游水都唔紧要,有泳池即刻升格几倍。
02. 膳食安排 ──── 地道行先、扫街最潮

再以曼谷为例,尽量带阿妈去街边档,因为佢哋真係好锺意食!湿湿哋嘅河粉、香喷喷嘅串烧,仲有芒果糯米饭,硬係觉得街边好食啲,因为有风味之余,亦係唯一可以通知师奶fans「我做过当地人」。

母亲节要快乐啊~带住阿妈去旅行 13个激心中伏位 杜游珍
扫过吓街,返去先有得晒命自己去过。
03. 食量估算 ──── 多菜少肉、少食多餐

虽然阿妈食得唔多,但通常好为食,好似金鱼食极唔饱,同时又不断话:「我依家食好少㗎、蒸条鱼烚条菜就係一餐。」 你由得佢讲啦,你话去食喇沙佢就话好㗎喇!另外,阿妈係好喜欢去果园的,即摘即食嗰种!

母亲节要快乐啊~带住阿妈去旅行 13个激心中伏位 杜游珍
绝对要有心理準备每晚都要食水果⋯⋯
04. 景点策划 ──── 超市才是王道!

之前提到寺庙只是到此一游,真正戏肉係超级市场!有朋友两年前去沖绳,几乎去匀全岛AEON( 当时仲叫「吉之岛」),每晚买生果作宵夜,仲要抬返几箱返香港,成班阿妈亲戚已经好开心,今年过年仲讲紧!另外曼谷Big C就更加係父母逛到唔愿走的shopping大观园⋯⋯

母亲节要快乐啊~带住阿妈去旅行 13个激心中伏位 杜游珍05. 脚骨力评测 ──── 攰都唔出声

自由行当然冇旅游车点对点运送,路就自然行得多,但老人家几时攰真係好难估,最常见就係劲攰都唔出声,返到酒店对脚痛到第日行程半取消咁滞!心得係: 你自己觉得开始攰时,相信就係阿妈需要坐低休息嘅时间时,将体力同步,先可以齐齐去得更远嘛!

母亲节要快乐啊~带住阿妈去旅行 13个激心中伏位 杜游珍
带阿妈去旅行最容易有怨言,特别在于成日都问「跟住点?」
06. 读心神探 ──── 狂讲悔气说话

阿妈成日去亲旅行都狂讲悔气说话,又话食和牛贵、又觉得啲景点西贡都睇到。不过其实佢哋都只係呻吓,实质上睇完、食完返到去就会同身边师奶嚟个「军备竞赛」,晒命自己去咗边,所以佢话唔好食、景点无特别都只係讲吓,听完唔使太上心!

母亲节要快乐啊~带住阿妈去旅行 13个激心中伏位 杜游珍
阿妈经常口里说不,但返到香港一定会同姨妈姑爹讲睇过靓景。
07. 耐性暴跌 ──── 唔愿排队

去得好味嘅餐厅,排返15分钟都係基本,有时甚至要等1个钟。一见到条人龙佢哋犹如撞鬼,拧晒头嗌要走,但呢个情况可以理解,特别去旅行已经要行咁多路,仲要企咁耐去食一餐饭。不妨去搵餐厅时拣比较早嘅用膳时间,错开人流高峰时间,食都食得开心啲。

母亲节要快乐啊~带住阿妈去旅行 13个激心中伏位 杜游珍
见到呢条长龙,应该即刻拧晒头。
08. 最好又要最抵────嫌三嫌四

师奶向来都係悭家专员,又要抵食但又要好食,成日都嫌三嫌四,哪来咁多 CP 值超高嘅餐厅、景点?出发之前同爸妈预告定某啲餐厅、景点会比较贵,畀定相佢哋睇,用多少少钱都值得!戴定头盔到时就唔怕有太多怨言。

母亲节要快乐啊~带住阿妈去旅行 13个激心中伏位 杜游珍
食贵嘢前同爸妈讲定一声,唔係就会不停嫌贵。
09. 使费预算 ──── 充大头鬼

有时搵到钱想带爸妈去旅行,佢哋总会话嗌埋姨妈姑姐去,去都算,自己应该净係出父母份钱;点知佢哋会充大头鬼,要请埋同行亲友食呢样个样,用多咗仲要仔女填返嚿钱。唔想阿爸阿妈充大头鬼,去之前就讲定一齐夹一个「阿公」出嚟,要食饭就喺阿公到拎出嚟,实行家族AA制!

母亲节要快乐啊~带住阿妈去旅行 13个激心中伏位 杜游珍
最好当然係夹定一笔钱做「阿公」,唔使口同鼻拗。
10. 势不低头 ──── 以为自己乜都识

「唔使问人啦,行呢边咪啱啰!」明明未去过嘅地方都讲到好似当地人咁,呢个情况最常喺老窦身上出现。其实Google Map咁发达真係睇吓都无问题,如果预到呢个情况,就挺身而出讲句:「唔使嘈!我去问!」,因为佢哋都只係觉得唔识要问人好失礼啫。

母亲节要快乐啊~带住阿妈去旅行 13个激心中伏位 杜游珍
睇地图其实唔难,如果爸妈唔想睇,不如自己出手先!
11. 守旧思想 ──── 唔肯试新嘢

阿珍就有同事讲过,佢爸爸去到美国都净係想食中菜,点都唔肯试吓西餐。锺意食海鲜又疯狂搵海鲜餐厅,完全无谂当地出唔出名。老一辈係比较抗拒新事物,但既然带得佢哋去旅行,证明已经係新尝试,不妨游说吓父母!

母亲节要快乐啊~带住阿妈去旅行 13个激心中伏位 杜游珍
中菜一定是首选,西餐?不了不了。
12. 乜都要管 ──── 阻止买嘢

自己去旅行或者同朋友去,都会有疯狂 shopping 嘅部份,但同父母去,佢哋就会怕大花筒,不停咁阻止自己买嘢!去到外国都唔买真係对唔住自己㗎嘛!

母亲节要快乐啊~带住阿妈去旅行 13个激心中伏位 杜游珍
去旅行唔畀买嘢真係激心到顶点。
13. 悭过头 ──── 贪小便宜

温泉旅馆浴衣又要拎,以前飞机上面铁叉都要拎,贪小便宜嘅程度犹如参加咗《悭钱家族》,见到呢啲事真係觉得好瘀,但出声佢哋又话我哋烦。阵间贪贪吓连香港人个名都整衰埋!

母亲节要快乐啊~带住阿妈去旅行 13个激心中伏位 杜游珍
飞机餐上的铁叉绝对是高危物品。

不过,既然带得爸爸妈妈去旅行,都一定预咗同自己去旅行有分别。不过,佢哋当年眠乾睡湿凑大自己都无怨过,一年先辛苦几日带爸妈去旅行,又有咩咁大不了?

下一页:【带住阿妈去旅行】每年一度 二人成团|阿妈泰姬陵前表演瑜伽母亲节要快乐啊~带住阿妈去旅行 13个激心中伏位 杜游珍相关阅读:【带住阿妈去旅行】越级挑战!带两个阿妈去非洲大草原睇花豹

母亲节要快乐啊~带住阿妈去旅行 13个激心中伏位 杜游珍

相关阅读:【最好的母亲节礼物】京都和服初体验|孝顺仔女的注意事项@Travelling Mandy 漫.游世界

母亲节要快乐啊~带住阿妈去旅行 13个激心中伏位 杜游珍相关阅读:【带住阿妈去旅行】去希腊睇世界最美夕阳|带阿妈出走蓝白小镇

母亲节要快乐啊~带住阿妈去旅行 13个激心中伏位 杜游珍



上一篇:
下一篇:


推荐文章

申博亚洲官方网站|为方便您的生活而设|分享快乐趣事|网站地图 申博官网备用网址_银牛娱乐下载地址 申博官网备用网址_ball贝博app